| 今日又去左睇樓 , 今次睇翻自己住開果邊 - 兆畦苑 , 兆邦苑 , 寶怡花園 , 盈豐園 , 海麗花園 ~ 今次睇過私人樓之後 , 暉哥哥好似好喜愛 , 仲好似鎖定左一定要買私人樓咁 ~ 其實今次睇樓都有幾個單位係啱心水既 , 好似其中一個 38/F 既單位係我既心水之選 , 佢係一個向正南方既單位 , 景觀極開揚仲可以見到海添 ~ 正 ~ 但係就只有兩間房 , 而且洗手間唔係太大 ... 另一個係單位係 24/F 既 , 呢個都係一個幾好座向既單位 ... 但係曾經有人講過佢既大堂風水唔多好 , 而且佢既面積同之前既都係相約 ~ 唉 , 其實依家睇幾多有幾好都係無用 , 因為都未有能力買 ~ ~ ~ 第二次睇樓-碼頭區 今日一行五人一齊去碼頭果邊睇樓 .... -> 悅湖山莊 , 14年樓齡 , 價錢約 130 ~ 150 萬 ... 我地一共行左六個單位 .... 雖然每個單位既座向與觀景都唔同 , 但係都唔係太喜歡 , 六個單位入面只有一個27樓既單位比較合適 ~ -> 富健花園 , 9年樓齡 , 價錢約 130 ~ 170 萬 ... 哩個屋苑既環境比悅湖好 , 行左三個單位都有一個21樓既單位係啱心水既 , 佢最好既地方係有兩個洗手間 , 景觀開掦望行車路 , 個廳都算大 , 而且每間房都可以放到四尺床 , 都算實用 ~ -> 龍門居 , 9年半樓齡 , 價錢約 120 ~ 150 萬 ... 屋園環境無咁好 , 但係屋內就比之前既實用好多 ... 位於某座頂層26樓既一單位座向西南 , 有內園景觀 , 加上四四方方既大廳 , 兩房打通既主人房 , 係暉哥哥既至愛 , 亦係我地今日之選 ~ 雖然有好野睇到 , 但係都仲想睇下其他既屋苑先 , 加上買樓真係唔可以講笑 ... 第一次睇樓-兆隆苑 今日同媽咪行完街返屋企途中 , 被地產出面既樓盤吸引住 , 所以就跟左地產經紀去睇樓 ... 睇既係我一直都好喜愛既兆隆苑 , 佢係良景邨入面既居屋單位 ... 一入到大堂就好開心 , 因為有冷氣 , 但係上到樓就 ... 完全唔得 .... 走廊好暗 (睇樓時間係下午) , 單位好細 , 感覺好差 ~ 所以就立即打消左我對兆隆苑既諗頭 ~ 為有向第二個屋苑出發啦 ~ |
~ 
